ԱՄՆ նորընտիր նախագահ Դոնալդ Թրամփի առաջին կինը ցանկանում է դառնալ Չեխիայում ԱՄՆ դեսպան։ Այս մասին 67-ամյա Իվանա Թրամփը հայտարարել է New York Post-ի հետ հարցազրույցում։
«Ես կառաջադրեմ ինձ Չեխիայի հանրապետությունում դեսպանի պաշտոնում»,-ասել է նա։ Իվանա Թրամփը հիշեցրել է, որ ծնվել է Չեխոսլովակիայի Սոցիալիստական հանրապետությունւմ, տիրապետում է չեխերենին և երկրում ունի լայն կապեր։
«Ես բավականին հայտնի եմ ողջ աշխարհում, ոչ միայն Ամերիկայում։ Ես գրել են 3 գիրք, որոնք թարգմանվել են 25 լեզուներով»,-ասել է միլիարդատիրոջ նախկին կինը։ «Ես հայտնի եմ Իվանա անունով։ Իրականում Թրամփ ազգանվան կարիքը չունեմ»,-նշել է նա։
Իվանա Թրամփը կատակով ենթադրություն է արել, որ Թրամփը չի տեղափոխվի Սպիտակ տուն հունվարի 20-ին կայանալիք երդմնակալությունից հետո, այլ կշարունակի ապրել Մանհեթենի իր Trump Tower երկնաքերում։
Թրամփը Իվանա Զելնիչկովայի հետ ամուսնացել էր 1977 թվականին։ Նրանց միությունից ծնվել են 3 երեխաներ։ 1992 թվականին նրանք հայտնել են ամուսնալուծության մասին։ Գործարարի երկրորդ կինն է դարձել ամերիկացի դերասանուհի Մարլա Մեյփլզը։ Նրանք ամուսիններ են եղել 1993-1999 թթ.։ 2005 թվականին միլիաիդատերն ամուսնացել է Մելանյա Թրամփի հետ, ով ԱՄՆ էր եկել Սլովենիայից։
