Լոնդոնի քաղաքապետ Բորիս Ջոնսոնը, ով հեծանվի մեծ սիրահար է, որոշել է Քեմբրիջի դքսի և դքսուհու նորածին որդուն հեծանիվ նվիրել: Էքսկլյուզիվ եռանիվ մոդելն արդեն պատվիրված է:
Արքայազնի համար պատրաստվող այս անակնկալի մասին Ջոնսոնն ասել է Լոնդոնի ռադիոկայաններից մեկով հեռարձակվող ամենամսյա թոք-շոուի եթերում, հաղորդում է ITAR-TASS-ը:
Կապույտ հեծանիվի լուսանկարներն արդեն տարածվել են քաղաքապետարանի կողմից: Այն կնվիրվի քաղաքի անունից:
Արքայազնի ապագա հեծանիվը կունենա փայտե թափք, իսկ դրա համարները կխորհրդանշեն Ջորջի ծննդյան տարեթիվը: Հեծանվի վրա նաև կա երեխայի անունը:
