Օգսոստոսի 6-ին Վիետնամի մայրաքաղաք Հանոյում այդ երկրում ՀՀ դեսպան Արմեն Սարգսյանին (նստավայրը՝ Պեկին) դիվանագիտական առաքելության ավարտի կապակցությամբ ընդունել է ՎՍՀ Նախագահ Չիոնգ Թան Շանգը:
ՀՀ ԱԳՆ մամլո գրասենյակից «Առաջին լրատվական»-ին հայտնում են, որ Վիետնամի ղեկավարը շնորհակալություն է հայտնել դեսպան Սարգսյանին նրա կատարած աշխատանքի և երկկողմ հարաբերությունների զարգացման գործում ունեցած ներդրման համար: Նա համոզմունք է արտահայտել, որ մոտ ժամանակներս Վիետնամում Հայաստանի դեսպանության բացումը կնպաստի երկու երկրների ավանդական բարեկամական կապերի հետագա ամրապնդմանը: Չիոնգ Թան Շանգը նշել է նաև, որ 2012թ. հունիսին ՀՀ Նախագահի՝ Վիետնամ կատարած պաշտոնական այցի ընթացքում ձեռք բերված պայմանավորվածության համաձայն նա ծրագրում է գալիք տարի այցելել Հայաստան:
Դեսպան Սարգսյանը ՎՍՀ Նախագահին փոխանցել է ՀՀ Նախագահի ջերմ ողջույններն ու Հայաստանում նրան հյուրընկալելու ակնկալիքը: Դեսպանը շնորհակալություն է հայտնել իր առաքելության ընթացքում Վիետնամի կառավարության կողմից ցուցաբերած աջակցության և օժանդակության համար և ընդգծել, որ Հանոյում Հայաստանի դեսպանութան հիմնումը կխթանի երկկողմ հարաբերությունների հետագա զարգացումը:
