ԱՄՆ նախագահ Բարաք Օբաման հրամայել է Պենտագոնին գտնել և ոչնչացնել Սիրիայում գործող «Ջեբհաթ ալ-Նուսրա» («Ալ-Քաիդայի» սիրիական ճյուղ) ահաբեկչական խմբավորման պարագլուխներին։ Այս մասին գրում է The Washington Post թերթը։
Այդ հանձնարարության կատարման համար պետք է մասնավորապես ռազմական գործողությունների թատերաբեմում տեղակայել էլ ավելի մեծ թվով անօդաչուներ և ուժեղացնել հետախուզական հնարավորությունները։
Նշվում է, որ պետության ղեկավարի նոր հրամանն ընդլայնում է ԱՄՆ հատուկ գործողությունների միացյալ հրամանատարության լիազորությունները և թույլ տալիս գործի դնել հետախուզության հավելյալ ռեսուրսներ՝ «Նուսրայի» ղեկավարության դեմ պայքարի համար։
Նշվում է, որ Օբաման անհանգստացած է, որ Սիրիայի մի մասը փաստացի վերածվում է Եվրոպայի հարավային եզերքում «Ալ-Քաիդայի» գործողությունների նոր բազայի։
Պարբերականը նշում է, որ այդ ահաբեկչական սպառնալիքի վերացման մասին որոշումն արտացոլում է փոփոխություն ամերիկյան վարչակազմի առաջնահերթություններում։ Սպասվում է, որ Սպիտակ տուն նոր նախագահի գալով՝ փոփոխությունները կարագանան։ Հանրապետականը բազմիցս ընդգծել է, որ արմատախիլ կանի ահաբեկչությունը։
