Երգչուհի Մադոննան, Քեթի Փերին և մի շարք այլ հայտնիներ մեկնաբանել են ԱՄՆ նախագահական ընտրությունների արդյունքները, որում հաղթել է հանրապետական թեկնածու Դոնալդ Թրամփը։
Մադոննան Twitter-ում գրել է․ «Բռնկվել է նոր կրակ, երբեք չենք հանձնվի»։ Քեթի Փերին իր հերթին կոչ է արել անգործության չմատնվել և չլացել։
«Շարժվե՛ք։ Մենք այն ժողովուրդը չենք, որը թույլ կտա ատելությանը թունավերել մեզ»,-գրել է նա։
Դերասանուհի Ջեսիկա Չեսթեյնը նշել է տեղի ունեցածի դրական կողմը․ «Մենք այլևս չենք կարող ձևացնել, թե ազատ ենք ռասիզմից և սեքսիզմից։ Հարցը կայանում է նրանում, թե ինչ պետք է անենք հետո»։
Դերասան Պատրիկ Ջեյմս Ադամսը ներողություն է խնդրել աշխարհից և հավելել, որ բոլորն են կորցրել խոսելու ունակությունը։ Իսկ դերասան Քրիս Էվանսը քննադատել է Թրամփին և խոստովանել է, որ իրեն դատարկված է զգում։ Ռեժիսոր Ջադ Ապատոուն գրել է, որ սարսափելի կլինի Օբամաների նման գեղեցիկ զույգից հետո Սպիտակ տանը տեսնել «այդ սարսափելի ընտանքին»։
