Ֆուտբոլային գործակալ Դմիտրի Սելյուկը խոսել է Հայաստանի ազգային հավաքականի կիսապաշտպան Արազ Օզբիլիսի մասին:
Ըստ փաստաթղթերի՝ «Սպարտակ»-ն Օզբիլիսի տրանսֆերի դիմաց 2 մլն եվրո է վճարել: Ես ակումբների ղեկավարներ Օլեգ Մկրտչյանին ու Լեոնիդ Ֆեդունին խորհուրդ կտամ ուշադիր ծանոթանալ ՌԴ-ի քրեական օրենսգրքի 193-րդ հոդվածին: Այդտեղ գրված է, թե ինչ պատժամիջոցներ են կիրառվում գործարքի ոչ իրական գումարի հրապարակման ու հարկերից խուսափելու համար:
Փաստաթղթերում նշված տրանսֆերի գումարն ուղղակի ծիծաղելի է: Նրանք իսկապե՞ս կարծում են, որ այդ գործարքները վերահսկող մարմինների աշխատակիցները հիմարներ են:
Ցավով եմ նշում, որ Օզբիլիսի տրանսֆերի հարցով քրեական գործ է հարուցվելու: Իմ հավաստի աղբյուրների տեղեկացմամբ՝ տրանսֆերի արժեքը կազմել է 9 մլն եվրո:
«Սպարտակ»-ը մեծ ակումբ է, որը հայտնի է նաև միջազգային մրցասպարեզում: Բայց նման դեպքերը հեղինակազրկում են ակումբը»,- Sovsport-ը մեջբերում է Սելյուկի խոսքերը:
