The Slate պարբերականի փոխանցմամբ՝ Դեմոկրատական կուսակցությունից ԱՄՆ նախագահի թեկնածու Հիլարի Քլինթոնը իր մրցակից, հանրապետական Դոնալդ Թրամփին գերազանցում է չորս նահանգում, որոնք առանցքային են համարվում ընտրություններում հաղթանակ տանելու համար։
Այդ մասին վկայել են վաղաժամ քվեարկության տվյալները։ Ֆլորիդայում նախկին պետքարտուղարը միլիարդատիրոջը գերազանցում է 100.000 քվեով։ Ընդհանուր առմամբ այդ նահանգում վաղաժամ քվեարկել է 3.7 միլիոն ընտրող։
Նևադայում քվեարկածների թիվը կազմում է մոտ 594.000 մարդ, Քլինթոնն այստեղ գերազանցում է 32.000 քվեով։ Օհայո նահանգում, ուր քվեարկել է 1.32 միլիոն ընտրող, Քլինթոնի առավելությունը կազմում է 53.000 մարդ։
Կոլորադոյում Քլինթոնը հավաքել է քվեների 46.3 տոկոսը, մինչդեռ Թրամփը հավաքել է 2.7 տոկոսով պակաս քվե։ Սակայն Փենսիլվանիա նահանգում 49.7 տոկոսով հաղթում է Թրամփը։ Քլինթոնի ցուցանիշը կազմում է 42.7 տոկոս։
