Ամերիկյան Associated Press լրատվական գործակալության փոխանցմամբ՝ ԱՄՆ-ում այսօր անցկացվում են նախագահական ընտրություններ, ինչի կապակցությամբ մի շարք նահանգների իշխանություններ ընտրողներին հիշեցրել են, որ քվեաթերթիկներով ինքնանկարները սոցցանցերում հրապարակելն ապօրինի է։
Ընդգծվում է, որ դա թույլատրված է 20 նահանգում և արգելված է երկրի 17 նահանգում։ Մյուս նահանգներում տվյալ հարցի ճակատագիրը մնում է անհայտ։
Ինքնանկարի կողմնակիցները պնդում են, որ նման լուսանկարները նվազեցնում են ընտրություններում կեղծիքներ թույլ տալու հնարավորությունը, ինչպես նաև քաղաքացիների համար ստեղծում են ընտրատեղամաս գնալու նպատակամղվածություն։
Մինչդեռ հակառակորդները հայտարարում են, որ դա ընտրողների վրա ճնշում գործադրելու փորձ է։ Սրանից առաջ հաղորդվել էր, որ ԱՄՆ-ում ընտրատեղամասերը բացվել են ավելի քան 20 նահանգում։
