Անդրադառնալով հարցին, թե կառավարության կողմից նախաձեռնվող քայլերն արդյո՞ք նախընտրական շրջանում իրականացվող քայլեր են՝ ուղղված իշխանության վարկանիշի բարձրացմանը, «Առաջին լրատվական»- ի հետ զրույցում քաղաքագետ, ԵՊԼՀ նախկին ռեկտոր Սուրեն Զոլյանը նշեց. «ՀՀԿ-ն կարող էր վարչապետ կարգել հենց իրենցից, և այդ քայլերը կարող էր կատարել հանրապետականը: Վարչապետը շատ լավ գիտակցում է, և ՀՀԿ-ն էլ է լավ գիտակցում է, որ իրենք մեկուսացված են և չունեն քաղաքական հենարան, քաղաքական հենարանը պետք է լիներ ժողովուրդը: Այս առումով շատ տրամաբանական են այն շահեկան քայլերը, որով կառավարությունը պետք է շահի հասարակության վստահությունը:
Այն, ինչ կատարում է վարչապետը միայն դրական եմ գնահատում, բայց դժվար է ասել, դա երկարաժամկետ կլինի, թե դա ուղղակի բեմադրություն է, որը նախատեսված է ընտրությունների համար, և ընտրություններից հետո դեկորացիաները և հերոսները կփոխվեն, և այլ անձինք դուրս կգան բեմ,- նշեց քաղաքագետը:
Նրա խոսքով՝ ՀՀԿ-ն չի ցանկանա, որ ինչ-որ մեկ այլ ուժ, այսպես ասած, բարելավման գործընթացը վերագրի իրեն: «Այստեղ մեկ ուրիշ թատրոն է, ՀՀԿ-ն ուզում է ասել, որ այդ բարեփոխություններն իր ցանկությամբ և կամոք են կատարվում»:
Ս. Զոլյանի դիտարկմամբ՝ անհասկանալի է, թե ինչու մինչև հիմա դա չի արվել, և այս առումով կոգնիտիվ դիսոնանսն է դեր խաղում: «Հասարակությունը ճիշտ կհասկանար, եթե ասենք, ամառվա ապստամբության արդյունքում, Հայաստանի նորանշանակ «դիկտատոր» Սէֆիլյանը նշանակեր վարչապետ, և վարչապետը քայլեր ձեռնարկեր՝ կոռուպցիայի դեմ պայքար, գազի, էլեկտրաէներգիայի սակագների նվազեցում և այլն, այսինքն՝ կլիներ այն, ինչ խոսում էր ընդդիմությունը: Բայց մենք տեսնում ենք բոլորովին այլ վիճակ, կարծես թե այն ուժը, որ պատասխանատու էր այդ ամեն ինչի համար, հիմա խոսում է հենց բարեփոխումների մասին և պայքարում է «դիկտատոր» Սէֆիլյանի դեմ, կարծես թե «դիկտատոր» Սէֆիլյանն է երկիրը հասցրել այս վիճակին»,- ընդգծեց Ս. Զոլյանը՝ հավելելով, որ այս անտրամաբանական վիճակը ոչ միայն հասարաության վրա է ազդում, այլ նաև բոլոր հասարակական ուժերի, որովհետև մեծ անվստահություն կա իշխանությունների և նրանց ձեռնարկած քայլերի հանդեպ:
Մանրամասները՝ տեսանյութում: