ԱՄՆ-ի Նյու Հեմփշիր նահանգի Դիսքվիլ Նոթչ փոքրիկ գյուղում կեսգիշերին ավանդույթի համաձայն բացվել է առաջին ընտրատեղամասը, հաղորդում է Boston Globe-ը։
Այս բնակավայրի բնակիչների մեծ մասը քվեարկել է Դեմոկրատական կուսակցության թեկնածու Հիլարի Քլինթոնի օգտին։ Տեղեկատվության համաձայն՝ քվեարկությունն ավարտվել է տեղի ժամանակով ժամը 0։01-ին։ Գյուղի 4 բնակիչներ իրենց ձայնը տվել են Քլինթոնին, իսկ հանրապետական թեկնածու Դոնալդ Թրամփը ստացել է 2 ձայն։ Գերի Ջոնսոնը ստացել է 1 ձայն, իսկ 2012թ․ Բարաք Օբամայի մրցակից Միթ Ռոմնին, չնայած չի մասնակցում նախագահական ընտրություններին և ներկայացված չէ թեկնածուների ցուցակում, ևս ստացել է 1 ձայն։
Կեսգիշերին քվեարկելու սովորությունը սկիզբ է առել 1960թ.-ին, երբ գյուղն իրավունք է ստացել ընտրել անսովոր ժամի։ Տեղամասը բացվում է 00։00-ին և փակվում 1 րոպե անց՝ 00։01-ին։
