BMW ընկերության ներկայացուցիչներն այս տարվա 3-րդ եռամսյակի վերաբերյալ զեկույցում հայտնել են, որ գերմանացի արտադրողները մշակում են Х3 էլեկտրական քրոսովեր և MINI EV էլեկտրոքար: Այս մասին հայտնում է dni24.com-ը:
Նորույթները վաճառքի կհանվեն 2020 թ.: Գերմանացի արտադրողները հայտնում են, որ BMW Х3 էլեկտրական քրոսովերը հանրությանը կներկայացնեն 2019 թ.: Սակայն էլեկտրական ամենագնացի տեխնիկական առանձնահատկությունների մասին առայժմ ոչինչ հայտնի չէ:
Միևնույն ժամանակ հաղորդվում է, որ BMW-ի ամենագնացի հիմքում կլինի նոր սերնդի Х3-ի հարթակը: Էլեկտրական քրոսովերի այդ մոդելը կթողարկվի նաև հիբրիդային տարբերակով:
Փորձագետները ենթադրում են, որ հիբրիդային ավտոմեքենայում կօգտագործվի նույնպիսի շարժիչ, ինչպիսին BMW 330е սեդանինն է, որի հզորությունը մինչև 250 ձիաուժ է:
Արտադրողները հայտնում են, որ MINI EV էլեկտրոքարը հանրությանը կներկայացվի 2020 թվականից ոչ շուտ՝ քրոսովերի հիբրիդային տարբերակի թողարկումից հետո:
