Այսօր լրանում է Ուկրաինայի նախկին վարչապետ Յուլյա Տիմոշենկոյի ձերբակալման երկու տարին: Նրան ձերբակալել էին 2011 թվականի օգոստոսի 5-ին, այսպես կոչված, «գազային» գործի ուսումնասիրման ժամանակ: Այս մասին հայտնում է «Գոլոս Ռոսիի» ռադիոկայանի կայքը:
Անցած հինգշաբթի Տիմոշենկոյի պաշտպանական կողմը երկրի Գերագույն դատարան է ներկայացրել հայտարարություն՝ դատավճիռը վերանայելու և չեղյալ հայտարարելու պահանջով:
Փաստաբանը հույս է հայտնել, որ Գերագույն դատարանն ազատ կարձակի Յուլյա Տիմոշենկոյին, ով 2011-ի հոկտեմբերին 7 տարվա ազատազրկման է դատապարտվել՝ 2009-ի հունվարին Ռուսաստանի հետ գազային պայմանագրերի կնքման ժամանակ լիազորությունները գերազանցելու պատճառով:
