Նյու Յորքի փողոցներից մեկում ոստիկանները զինված դեռահասին ձերբակալելու փորձի ժամանակ կրակել են նրա վրա: Այս մասին գրում է Wall Street Journal-ը:
Պարբերականի տվյալներով՝ ոստիկանության 2 աշխատակիցներ Նյու Յորքի Բրոնքսե փողոցում պարեկություն անելիս կրակոցներ են լսել, հետո տեսել, թե ինչպես է երիտասարդը՝ ատրճանակը ձեռքին, հետապնդում տղամարդուն: Իրավապահները հանցագործից պահանջել են վայր դնել զենքը, սակայն նա ատրճանակը նրանց կողմն է ուղղել: Հենց այդ ժամանակ էլ ոստիկաններից մեկը կրակել է: Փամփուշտը վնասել է երիտասարդի ծնոտը, և նա տեղում մահացել է:
Զոհվածը 14-ամյա սևամորթ դեռահաս Շալիվեր Դաուզն է: Դաուզը մի քանի անգամ պատասխանատվության է ենթարկվել տարբեր օրինախախտումների համար: Մասնավորապես, մայիսին նա ատրճանակով վիրավորել է մի դեռահասի: Դրանից մեկ շաբաթ անց նա ձերբակալվել է և մեղադրվել մի քանի հոդվածներով, այդ թվում՝ մահափորձի և անօրինական զենք պահելու: Սակայն հետո դատարանը նրա վրայից հանել է բոլոր մեղադրանքները:
113822.jpg)
