ՀԱԿ խմբակցության քարտուղար Արամ Մանուկյանը 2017թ. բյուջեի քննարկմանը ՀՀ գյուղատնտեսության նախարար Իգնատի Առաքելյանին հարցրեց, թե ի՞նչ միջոցներով է սուբսիդավորվելու ջերմատների համար գազի գնի 17% իջեցումը։
ՀԱԿ պատգամավորը նաև հետաքրքրվեց լոլիկի արտահանման խնդրից, որն անվանեց «լոլիկի էպոպեա»: «Մի ժամ առաջ էլ հանդիպել եմ Ջերմոցային տնտեսությունների ասոցիացիայի նախագահ Պողոս Գևորգյանին: Նա ինձ ասաց, որ 2015 թ. անգամ հազար տոննա արտահանում չի եղել ՀՀ-ից, բայց վիճակագրությամբ դրանից 40 անգամ ավելի լոլիկ է արտահանվել Ռուսաստան: Ես բաց հայտարարում եմ, որ սա պետական խաբեույթուն է, հանցագործություն է: Դուք տեղյա՞կ եք՝ ինչ է տեղի ունեցել: Եթե այո, ապա այսպիսի պետական խայտառակությունը կանխելու համար ի՞նչ եք անելու»,- հարցրեց Արամ Մանուկյանը:
Նախարարը գազի գնի սուբսիդավորման վերաբերյալ նշեց. «Ինձ հետաքրքրում է, որ գինը նվազել է, մնացածն այս պահին չի հետաքրքրում։ Ես ուրախ եմ, որ գինը նվազել է և ջերմատների համար ավելի նպաստավոր պայմաններ են ստեղծվել։ Այսօր ջերմատնային տնտեսությունները Հայաստանում շատ չեն։ Սա կնպաստի դրանց շատացմանը։ Համոզված եմ, որ համապատասխան գերատեսչություններն այդ հաշվարկն արել են և կներկայացնեն: Ազնվորեն, ես տեղյակ չեմ, թե ինչի հաշվին է նվազել»:
Գյուղատնտեսության նախարարը լոլիկի արտահանման վերաբերյալ նշեց, որ դետալներին ծանոթ չէ, և հավելեց, որ ուրախ է, որ արտահանումը շատանում է:
Մանրամասները՝ տեսանյութում:
