Ամերիկյան Ecovative ընկերության ներկայացուցիչները տներ կառուցելու օրիգինալ տարբերակ են մտածել: Նրանք որոշել են դրա համար օգտագործել սովորական սնկերից պատրաստված շինանյութ: Ըստ նախագծի հեղինակի՝ սնկերից հնարավոր է պատրաստել ավտոմեքենաների բամպերներ, կոշիկների տակդիրներ և այլն՝ հաղորդում է Fox News-ը:
Ընկերության ներկայացուցիչները շինանյութը պատրաստել են գյուղատնտեսական թափոնների վայրում աճած սնկերից:
«Սնկային» շինանյութը արտադրվում է հետևյալ կերպ: Սունկը միացվում է սուբստրատին, հետո ստացված խառնուրդը բաժանվում է տարաների մեջ և դրվում մութ վայրում: Մի քանի օրից սունկը արմատներէ տարածում, որն էլ պնդացնում է սուբստրատը: Չորացման ու ջերմային մշակման ընթացքում սունկը չորացվում է՝ հետագա աճից խուսափելու համար, իսկ սուբստրատը պատրաստ է լինում կիրառման համար:
Ըստ նախագծի հեղինակների՝ «սնկային» շինանյութը շուտով կարող է փոխարինել պլաստմասսային: Առավելությունը կայանում է նրանում, որ ի տարբերություն պլաստմասսայի՝ այն կարող է քայքայվել:
