USB 3.0 Promoter Group կազմակերպությունը հայտարարել է USB 3.1 նոր ստանդարտների հաստատման մասին, որի արագությունն այժմ մեկ վայրկյանում 10 գիգաբիթ է կազմում: Դա նշանակում է, որ AMD-ն, Intel-ը և մյուսները կարող են արդեն աշխատել նոր չիփսեթներով, որոնք USB 3.0-ից երկու անգամ արագ են:
Կարևոր է նաև, որ նոր USB-ն հակադարձ համատեղելիություն կցուցաբերի 3.0/2.0 ստանդարտների հետ:
USB 3.1-ին նվիրված կոնֆերանսը Promoter Group-ը կանցկացնի օգոստոսի 31-ին: Ինչպես երևում է, կազմակերպությունը չի շտապում, այն համոզված է, որ իր ինտերֆեյսն ավելի լայն կիրառում կստանա, քան Thunderbolt 2-ը: