Ֆլեշ-մոբ ակցիայի քաղաքացիական ակտիվիստները քաղաքի 6 տարբեր մասերից միացան և այս պահին պարում են, երգում Երևանի քաղաքապետարանի մոտ: «Եթե պայքարել, ապա միասին մինչև հաղթանակ»,-նշում են ակտիվիստները: Ֆլեշ-մոբի միջոցով թև ու թիկունք լինել նստացույց հայտարարած ընկերներին: Սա է ակտիվիստների կարգախոսը:
Ակտիվիստները ծածանում են եռագույնը և իրենց աջակցությունն հայտնում ութ օր նստացույց անող ակտիվիստներին:
Նստացույցի մասնակիցները իրենց շնորհակալությունը հայտնեցին ակտիվիստներին՝ ֆլեշ մոբ կազմակերպելու և իրենց աջակցություն հայտնելու համար: Եթե պայքարում ենք, պայքարում ենք մինչև վերջ:
Նրանք փուչիկ են փակցրել քաղաքապետարանի մոտ վրան գրված. «Տարոն բարձրացրի մեզ մոտ»:
Լուսանկարը՝ PanARMENIAN Photo-ի
