ՀՀ արդարադատության նախարարության քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդների խմբի փոխնախագահ Լաուրա Գասպարյանի խոսքով, այժմ ՔԿՀ-ները գերբնակեցված են թույլատրված քանակից ավելի քան 1500 մարդկանցով: Հիշեցնենք, որ համաներմամբ ազատ է արձակվելու 400 հոգի:
«Ամենավատ վիճակը «Նուբարաշեն» քրեակատարողական հիմնարկում է, որը նախատեսված է 800 մարդու համար, սակայն այժմ ապրում են մոտ 1300 մարդ։ 12 մահճակալներ ունեցող խցում ապրում է լավագույն դեպքում 20 մարդ»,- ասում է Լաուրա Գասպարյանը։ Նրա համոզմամբ, այսպիսի պայմանները սոցիալական, հոգեբանական լուրջ խնդիրներ են առաջացնում։
«Համաներումը ոչ միայն տեղի խնդիրը չի լուծի, այլև այդ միջոցով չեն լուծվի շատ այլ կարևոր խնդիրներ, որ կան ՔԿՀ-ներում. օդափոխության, կրթության, զբոսանքի խնդիրները։ Այժմ պայմանները ՔԿՀ-ներում բավարար չեն ապրելու համար»,- ասում է Լաուրա Գասպարյանը։