Թունիսի գլխավոր աշխատանքային միությունը (UGTT) հայտարարել է, որ չափավոր իսլամիստների կառավարությանը տվել է մեկշաբաթյա ժամկետ, որպեսզի համաձայնության գա ընդդիմության հետ` «տեխնոկրատների» նոր կառավարության ստեղծման նպատակով, հաղորդում է Reuters-ը:
Հակառակ դեպքում, ինչպես ասված է հայտարարությունում, UGTT-ն «ստիպված կլինի դիմել այլ տարբերակների»:
Ազդեցիկ արհմիությունների դաշնությունը, որն ունի մոտ 600 հազար անդամ, փորձում է միջնորդի դեր խաղալ իշխող «Ան-Նախդա» կուսակցության ու աշխարհիկ ընդդիմության միջև, որը պահանջում է կառավարության և երկրի սահմանադրության նախագիծը պատրաստող անցումային խորհրդարանի հրաժարականը։
UGTT-ն առաջարկում է կոմպրոմիսային որոշում, որը թույլ է տալիս փոխել կառավարությունն առանց խորհրդարանի: Սակայն դրա իրականացումը պահանջում է շուտափույթ փոփոխություններ:
Թունիսում լարվածությունն աճում է այս հուլիսի 25-ին զինյալների կողմից ազդեցիկ ընդդիմադիր գործիչ Մուհամմեդ Բրահիմիի սպանությունից հետո:
