Թուրքիայում հեղաշրջման փորձից հետո Գերմանիայում ապաստան է խնդրել երկրի 35 քաղաքացի, որոնք ունեն դիվանագիտական անձնագրեր։ Այս մասին հաղորդում է RIA Novosti-ն՝ վկայակոչելով Գերմանիայի ՆԳՆ ներկայացուցիչ Յոհաննես Դիմրոտին։
«Միգրացիայի հարցերով դաշնային գերատեսչության տեղեկատվությամբ՝ դիվանագիտական անձնագրեր ունեցող 35 մարդ ապաստան ստանալու դիմում է ներկայացրել։ Սա վիճակագրություն և վերջնական թիվը չէ»,-ասել է Դիմրոտը լրագրողներին։
Նրա խոսքով՝ վերոնշյալ թվի մեջ ներառված են դիվանագետները և նրանց ընտանիքի անդամները։
Հիշեցնենք, որ հուլիսի 15-ի լույս 16-ի գիշերը Թուրքիայում ռազմական հեղաշրջման փորձ է իրականացվել, որի հետևանքով զոհվել է 240 մարդ, վիրավորվել ավելի քան 2000-ը։ Իշխանություններին հաջողվում է ճնշել ապստամբությունը։
