Սիրիացի անչափահաս փախստականներն աշխատում են հագուստի արտադրության թուրքական ձեռնակություններում, որի արտադրանքը մատակարարվում է Marks & Spencer (M&S) բրիտանական խանութների ցանցին։ Այս մասին վկայում է BBC-ի լրագրողների անցկացրած հետաքննությունը։
15 տարեկան սիրիացի փախստականներն աշխատում են գործարաններում օրական 12 ժամ։ Դեռահասներն աշխատում են քիմիական նյութերի հետ առանց պաշտպանության միջոցների։
«Նախկինում չենք հայտաբերել վկայություններ այն մասին, որ գործարաններում, որոնք մեզ հագուստ են մատակարարում, աշխատում են սիրիացիներ, և մենք հիասթափված ենք այս բացահայտմամբ, դա շատ լուրջ է և անընդունելի M&S-ի համար»,-մեկնաբանել է ստեղծված իրավիճակն ընկերության ներկայացուցիչը։
ASOS միջազգային առցանց-ռիթեյլերի ներկայացուցիչը, որը ևս համագործակցել է գործարանների հետ, որտեղ երեխաներ են աշխատել, հայտարարել է, որ ծանոթ չէ տվյալ հետաքննության հետ։
Ավելի վաղ Reuters գործակալությունը հայտարարել էր, որ Թուրքիայում հագուստի արտադրության գործարաններում աշխատում են սիրիացի երեխաներ։
Նշենք, որ Թուրքիայի տարածքում այսօր ապրում է շուրջ 3 միլիոն սիրիացի փախստական։
