Դոնալդ Թրամփի և Հիլարի Քլինթոնի միջև ընտրությունը ընտրություն է «վատի և ավելի վատի միջև»: TASS-ի հաղորդմամբ՝ այս մասին ասել է Իրանի նախագահ Հասան Ռուհանին՝ մեկնաբանելով ԱՄՆ նախագահի թեկնածուների բանավեճերը:
«ԱՄՆ-ում ժողովրդավարությունն ավելի քան 200 տարեկան է, սակայն այդ մեծ երկրին ակնհայտորեն պակասում է բարոյականությունը: Դրանում կարելի է համոզվել՝ (նախագահի) թեկնածուների բանավեճերին հետևելով: Մենք տեսնում ենք նրանց ծաղրն ու ծանակն իրար հանդեպ: Ըստ երևույթին, դա ժողովրդավարություն է ամերիկյան ձևով»,- ասել է Ռուհանին: Նրա խոսքով՝ Իրանին այդպիսի ժողովրդավարությունը և այդպիսի ընտրությունները հարմար չեն:
«ՄԱԿ-ում եկրներից մեկի ղեկավարն ինձ հարցրեց՝ ԱՄՆ նախագահի որ թեկնածուին եմ ես ավելի նախընտրելի համարում: Ես նրան պատասխանեցի, որ դժվար է ընտրել վատի և ավելի վատի միջև»,- ասել է Ռուհանին:
