Լրագրողների հետ զրույցում անդրադառնալով հարցին, թե ինչ առաջնահերթություններ կան կառավարության նոր ծրագրում՝ գյուղատնտեսության ոլորտի զարգացման ուղղությամբ՝ ՀՀ գյուղատնտեսության նախարար Իգնատի Առաքելյանը նշեց. «Նոր տեխնոլոգիաներ, այգիներ, ջերմոցներ, ֆերմաներ, կոպերացիաների և ֆերմերային տնտեսությունների խոշորացում»: Նա նաև հավելեց, որ իր աշխատանքը դեմքով դեպի գյուղ լինելն է:
Անդրադառնալով դիտարկմանը, որ վարչապետը խոսում է օր առաջ բարեփոխումներ իրականացնելու մասին, սակայն կարծիքներ կան, որ գյուղատնտեսությունը Հայաստանում 18-րդ դարի տեխնոլոգիաներով է դեռ աշխատում, գյուղնախարարը նշեց, որ այս վիճակից ոլորտը հնարավոր է հանել. «Բոլորը՝ գյուղացիներն իրենց հերթին, կառավարությունն իր հերթին, բիզնեսը և ներդրողներն իրենց հերթին պետք է միավորվեն, որպեսզի 18-րդ դարից գանք, հասնենք 21-րդ դար: Դա երկար ճանապարհ է: Քայլ առ քայլ պետք է հասնենք դրան»:
Նախարարը նաև անդրադարձավ կարտոֆիլի գներին, և նշեց. «Ես երեկ հանդիպել եմ կարտոֆիլագործների հետ, այդքան էլ այդպես չէ, ինչպես որ ներկայացվում է»:
Մանրամասները՝ տեսանյութում:
