«Հայ-ռուսական հարաբերություններում կան խնդիրներ, կա բացասական վերաբերմունք, որոնք հայ իշխանությունները թաքցնում են»: «Մեդիա կենտրոնում» «ՀԱՊԿ անվտանգության խորհրդի նստաշրջանը Երևանում. լուծված խնդիրնե՞ր, թե՞ նոր մարտահրավերներ» անցկացվող քննարկման ընթացքում այսօր այս մասին հայտարարեց Գլոբալիզացիայի և տարածաշրջանային համագործակցության կենտրոնի ղեկավար, քաղաքագետ Ստեփան Գրիգորյանը: Քննարկմանը մասնակցումէին նաև քաղքագետ Ստյոպա Սաֆարյանը, տեսակապով մասնակցում էր նաև ռուս քաղաքագետ Ալեքսանդր Կռիլովը:
Ս. Գևրիգորյանը նշեց, որ Երևանում նախորդ շաբաթ անցկացված ՀԱՊԿ գագաթնաժողովի շրջանակներում հայկական և ռուսական կողմերի արած հայտարարությունների միջև մի քանի հակասություն կար, որը շատ զարմացնող էր:
Հակասություններից մեկն, ըստ նրա այն էր, երբ ՌԴ նախագահի մամուլի խոսնակ Դմիտրի Պեսկովը լրագրողներին տեղեկացրեց, որ Լեռնային Ղարաբաղի հարցով քննարկում չի լինելու գագաթնաժողովի շրջանակներում, սակայն գագաթնաժողովին հաջորդած բրիֆինգի ընթացքում Սերժ Սարգսյանն ասաց, որ ընդունվել է հայտարարություն Ղարաբաղի թեմայով: Երկրորդ հակասությունը և անհամաձայնությունը, ըստ քաղաքագետի՝ վերաբերում էր Ղարաբաղյան հարցի լուծման գործում Թուրքիայի ներգրավվածությանը: Ս. Գրիգորյանը հիշեցրեց ՀՀ փոխարտգործնախարարի հայտարարությունը, որ Թուրքիան տեղ չունի ղարաբաղյան հակամարտությունում. քաղաքագետն ընդգծեց, որ այդ նույն ժամանակ ՌԴ ԱԳ նախարարն ասաց, որ Թուրքիան կարող է դեր ունենալ ղարաբաղյան հակամարտության մեջ: Քաղաքագետը նշեց, որ կողմերը պետք է համաձայնեցնեն իրենց հայտարարությունները, որպեսզի խուսափեն իրար հակասող հայտարարություններից:
ՀԱՊԿ գլխավոր քարտուղարի ընտրության հետաձգման վերաբերյալ քաղաքագետը կարծիք հայտնեց, որ ցանկացած միջազգային ֆորմատ սկսում է էֆեկտիվ և հետաքրքիր աշխատել, երբ գործում է ռոտացիոն համակարգ: «Ակնհայտ է, որ չընտրվեց նոր գլխավոր քարտուղար, քանի որ Հայաստանի կողմից ներկայացված թեկնածուի հետ կապված Ռուսաստանը դժգոհություններ ուներ»,- ընդգծեց քաղաքագետը՝ հավելելով, որ այս դեպքում ևս Ադրբեջանի կարծիքը մեծ նշանակություն ուներ:
«Հայաստանում կա անհանգստություն տարածաշրջանում ռուսական քաղաքականության նկատմամբ: Ես ուզում եմ, որ մեր ռուս կոլեգաները դա իմանան, քանի որ ՀՀ իշխանություններն ասում են ամեն ինչ նորմալ է: Ամեն ինչ նորմալ չէ»,- ընդգծեց քաղաքագետը՝ հավելելով, որ Հայաստանում բացասական են վերաբերվում հատկապես Ռուսաստանի կողմից Ադրբեջանին զենք վաճառելու հանգամանքին: Քաղաքագետը նշեց, որ Հայաստանում միանշանակ չի ընկալվել նաև ԵՏՄ-ին անդամակցությունը:
«Երբ մենք ասում էինք, որ այդ միությունն այնքան էլ ձեռնտու չէ Հայաստանի համար, իշխանություններն ասում էին՝ դուք չեք հասկանում, որ Ռուսաստանը մեր անվտանգությունն է երաշխավորում: Թե ինչպես Ռուսաստանը պահպանեց մեր անվտանգությունը՝ երևաց ապրիլյան պատերազմի օրերին, երբ ռուսական զենքով ադրբեջանցիները կրակում էին հայ զինվորների ուղղությամբ»,- ընդգծեց Ս. Գրիգորյանը:
Ստեփան Գրիգորյանը ևս կարծիք հայտնեց, որ «Ապրիլյան պատերազմը ցույցը տվեց, որ չկա ո՛չ հավաքական անվտանգություն, ո՛չ անվտանգություն, ո՛չ հավաքականություն, առնվազն Հայաստանի համար»,-ասել էր Ստյոպա Սաֆարյանը: Ստյոպա Սաֆարյանին, որը հայտարարեց, որ Երևանյան գագաթնաժողովը ցույց տվեց, որ ՀԱՊԿ անդամ երկրներից՝ բացառությամբ Ռուսաստանի, ոչ մեկը չի կարող կյանքի կոչել իր հետաքրքրություններն անվտանգության առումով։
Ալեքսանդր Կռիլովը ներկայացրեց իր դիտարկումները հայ քաղաքագետների հնչեցրած կարծիքների շուրջ:
Մանրամասները՝ տեսանյութում:
