Լուրեր
Արևային ջրատաքացուցիչները կրճատում են էներգետիկ ծախսերը ավելի քան 80%-ով. «ԱԳԲԱ Լիզինգ»-ը ֆինանսավորել է արևային ջրատաքացուցիչների տեղադրման նախագիծը

Արևային ջրատաքացուցիչները կրճատում են էներգետիկ ծախսերը ավելի քան 80%-ով։ Հայաստանում արդեն իսկ ներդրվել է այս ծրագիրը։ Առաջին անգամ արևային ջրատաքացուցիչները կրճատում են էներգետիկ ծախսերը ավելի քան 80%-ով: «ԱԳԲԱ Լիզինգ»-ի ֆինանսավորմամբ իրականացվել է բնակելի շենքերից մեկի տանիքին արևային ջրատաքացուցիչների տեղադրման նախագիծը, որն իրականացվել է 2014թ. գործող և արդեն ԱԳԲԱ Լիզինգի մտավոր սեփականությունը հանդիսացող Գրին Լիզինգ ենթաբրենդի շրջանականերում։

Ընկերության գլխավոր տնօրեն Արսեն Բազիկյանը նշում է, որ թեպետ սա իրենց առաջին հաջողված նախագիծն է բնակելի շենքի համար արևային ջրատաքացուցիչների տեղադրման հարցում, նրա հավաստմամբ՝ այսպիսի նախագիծը, միանշանակ, վերջինը չի լինելու։

«Բնակելի շենքերի համար արևային ջրատաքացուցիչների լիզինգը նորություն է մեզ մոտ, սակայն Գրին Լիզինգ ենթաբրենդի շրջանակներում իրականացվել են 60-ից ավելի նախագծեր մասնավոր հատվածի համար (հյուրանոցներ, լողավազաններ, ջերմոցային տնտեսություններ և այլն), և արևային էներգիայի արտադրության ֆինանսավորումը դարձել է «ԱԳԲԱ Լիզինգ»-ի առանցքային ուղղություններից մեկը»,-«Առաջին լրատվական»-ի հետ զրույցում ասաց Բազիկյանը։

Ծրագիրը մեկնարկել է սույն թվականի օգոստոսին՝ «Տուն սերվիս» ընկերության նախաձեռնությամբ։ Արևային ջրատաքացուցիչները տեղադրվել են Դավիթաշեն 1-ին թաղամասի բնակելի շենքերից մեկում։Իսկ աուդիտորական և մոնտաժային աշխատանքները կատարվել է «Արփի Սոլար» Ընկերության կողմից։ Համակարգն աշխատում է ընթացիկ տարվա սեպտեմբերի 1-ից։

Գազի տնտեսման առումով թվային լիարժեք պատկեր ստանալու համար «Տուն սերվիս» ընկերության տնօրեն Գագիկ Ալեքսանյանի խոսքով՝ դեռևս ժամանակ է հարկավոր՝ շուրջ 6 ամիս։

Շրջակա միջավայրի պահպանությունն ու բնապահպանական ռիսկերից հնարավորինս խուսափելը համարվում է հենց «Գրին լիզինգ» ենթաբրենդի չափանիշներից մեկը։ «ԱԳԲԱ Լիզինգը» նաև KFW բանկի գործընկերն է։ Ունենալով պայմանագիր Կենտրոնական բանկի հետ՝ Ընկերությունը ֆինանսական ռեսուրսները տրամադրում է 10,5% տոկոսադրույքով հայկական դրամով, մինչև 10 տարի մարման ժամկետով։

Ներկայումս շենքում 90 բնակարան է բնակեցված, և այս համակարգն ապահովում է այդ բնակարանների տաք ջրամատակարարումը և ըստ նախնական աուդիտորական արդյունքների՝ մեկ տարվա ընթացքում կլինի մոտ 80-90% գազի խնայողություն:

«Տուն սերվիս», «Արփի Սոլար» ընկերությունները և «ԱԳԲԱ Լիզինգ»-ը համատեղ մտադիր են նմանատիպ ծրագրերը շարունակական դարձնել։

  • Դիտումներ՝ *