Մոսկվայում բացվում է «Ռուսաստանի և ԱՊՀ-ի ազգային մամուլը» խորհրդաժողովը, որը նվիրված է ԱՊՀ-ի կազմավորման 25-ամյակին: Խորհրդաժողովը կհավաքի Համագործակցության երկրների հայտնի լրագրողների, գլխավոր խմբագիրների, տնտեսության, մշակույթի, քաղաքականության բնագավառի փորձագետների, իշխանության և բիզնեսի ներկայացուցիչներին:
Ծրագրվում է, որ երկու օրվա ընթացքում նրանք կքննարկեն լրագրողների իրավունքների պաշտպանության հարցերը, մեդիահանրակցության հրատապ խնդիրները, ինչպես նաև մամուլի զարգացումն ԱՊՀ-ի տարածքում:
Խորհրդաժողովը կազմակերպել են Մոսկվայի լրագրողների միությունը, ԱՊՀ-ի գործադիր կոմիտեն և Ռուսական մամուլի համաշխարհային ասոցիացիան: Ողջույնի խոսքով համագումարի մասնակիցներին դիմելու է ԱՊՀ-ի գործադիր կոմիտեի նախագահ Սերգեյ Լեբեդևը՝ փոխանցում է TASS գործակալությունը:
