Մանչեսթերի բնակիչ Դունկան Քիթինգին մահացած են գտել հարևանի հետ Brexit-ի պատճառով տեղի ունեցած ծեծկռտուքից ժամեր անց: Այս մասին գրում է The Independent-ը:
Դեպքը տեղի է ունեցել հունիսի 25-ին՝ Brexit-ի հանրաքվեից երկու օր անց: 58-ամյա Քիթինգը հարձակման է ենթարկվել իր 62-ամյա հարևանի՝ Գրեհեմ Դունի կողմից այն բանից հետո, երբ պարզվել է, որ առաջինը հանրաքվեում քվեարկել է Մեծ Բրիտանիայի ԵՄ-ից դուրս գալու օգտին, իսկ երկրորդը՝ դեմ:
Դունը իր հարևանին ծեծել է անձրևանոցով և վկաների խոսքով՝ սպառնացել է վառել նրան: Երկու հարևաններն էլ եղել են ալկոհոլի ազդեցության տակ:
Մի քանի ժամ անց տուժածը մահացած է հայտնաբերվել իր տանը: Հետաքննությունը պարզել է, որ ալկոհոլից բացի՝ նա օգտագործած է եղել նաև թմրանյութեր, ինչն էլ շնչառության կանգի պատճառ է դարձել:
Դատարանը Դունին մեղավոր է ճանաչել մահացու վիրավորանքներ հասցնելու համար և դատապարտել 4 տարի 5 ամսվա ազատազրկման:
