ԱՄՆ ռազմածովային նավատորմի ականակիրը միջազգային ջրերում կրկին գնդակոծվել է Եմենի տարածքից: Այս մասին հայտնում է NBC News-ը՝ վկայակոչելով իրավիճակին ծանոթ երկու ամերիկացի պաշտոնյաների:
Նշվում է, որ միջադեպը տեղի է ունեցել հոկտեմբերի 15-ի լույս 16-ի գիշերը: Պաշտոնյաների խոսքով՝ ռազմանավի ուղղությամբ արձակվել է առնվազն մեկ հրթիռ: Ականակիրը, սակայն, ընդունել է համապատասխան հակամիջոցներ, ինչի շնորհիվ նավը չի վնասվել:
Ապստամբների կողմից վերահսկվող տարածքներից այս շաբաթվա ընթացքում ականակիրը արդեն երկու անգամ ենթարկվել է գնդակոծության: Ի պատասխան՝ ԱՄՆ զինվորականները թևավոր հրթիռներով ոչնչացրել են երեք ռադիոտեղորոշիչ կայան:
Սակայն Եմենի ափից ականակրի թվով երրորդ գնդակոծման մասին տեղեկատվությունը կարող է կեղծ լինել՝ նավի վրա տեղադրված թիրախների հայտնաբերման ռադիոտեղորոշիչ կայանների ենթադրվող անսարքությունների պատճառով: Այդ մասին կիրակի օրը հայտնել է CNN-ը՝ վկայակոչելով Պենտագոնում աղբյուրին:
