Թուրքիայի ԱԳՆ-ն հերքել է լրատվամիջոցներում տարածված լուրերն այն մասին, որ Եգիպտոսի հետ գործող 27 համաձայնագրերը սառեցված են: «Ռիա նովոստի»-ի փոխանցմամբ` այդ մասին նշված է երեքշաբթի գերատեսչության տարածած հաղորդագրությունում:
«Այդ տեղեկությունները հիմնավորված չեն: Թուրքիայի ու Եգիպտոսի ստորագրած համաձայնագրերը կարգավորման գործընթաց են անցնում սովորական ռեժիմով: Դրանք արդեն ուժի մեջ են, շարունակում են գործել»,- նշված է փաստաթղթում:
Լրատվամիջոցներում հաղորդվում էր, որ Թուրքիան պայմանագրերի սառեցման է դիմել ի նշան Եգիպտոսում տեղի ունեցած ռազմական հեղաշրջման դեմ բողոքի:
Եգիպտոսի ԱԳՆ-ն վերջին ամսվա ընթացքում արդեն երկու անգամ հրավիրել է թուրք դեսպանին բացատրություններ ստանալու համար: