Սոցիալական ցանցերի օգտատերերը զարմանքով են վերաբերվել ամերիկացի հայտնի քանթրի-երաժիշտ Բոբ Դիլանին գրականության գծով 2016 թվականի համար Նոբելյան մրցանակ շնորհելուն:
Twitter-ում օգտատերերի մի մասը այդ որոշմանը վերաբերվել են բացասաբար՝ նշելով, որ բացի Դիլանից, բազմաթիվ մարդիկ կան, որ արժանի են դրան: «Հետաքրքիր է, մոլորակում կա 7 միլիարդ մարդ, և Նոբելյան մրցանակը ստանում է Բոբ Դիլանը»,- մեկնաբանել է paragvaev-ը:
Ոմանք կարծիք են հայտնել, որ չպետք է գրական մրցանակ շնորհվի երգերի տեքստերի համար: «Բոբ Դիլանը Նոբելյան է ստանում գրականությունից, այսինքն Ամերիկայի մասին գեղեցիկ հոգեզմայլ տեքստերի համար: Նոբելյան: Երգերի տեքստերի համար: Բոուի, վերադարձի՛ր»,- գրել է SolidPumba անունով օգտատերը:
Հոկտեմբերի 13-ին Նոբելյան կոմիտեն հայտարարել է Բոբ Դիլանին գրականության մրցանակ շնորհելու մասին «ամերիկյան երգարվեստի ավանդույթում նոր պոետական արտահայտչականության ստեղծման համար»:
