Անգլիական The Independent պարբերականը գրում է, որ Հայաստանի ազգային թիմի կիսապաշտպան Հենրիխ Մխիթարյանը չի մասնակցի «Լիվերպուլ»-ի դեմ խաղին:
Հեղինակավոր պարբերականի պնդմամբ, բացի Մխիթարյանից, այս խաղին չի մասնակցի նաև պաշտպան Լյուկ Շոուն:
Ժոզե Մոուրինյոի սաներն արտագնա խաղում «Լիվերպուլ»-ի հետ կմրցակցեն հոկտեմբերի 17-ին: Հանդիպումը կմեկնարկի Երևանի ժամանակով 23:00-ին:
Հիշեցնենք, որ Հենրիխ Մխիթարյանը բաց էր թողել ազգային ընտրանու աշխարհի առաջնության որակավորման փուլի նախորդ երկու հանդիպումները՝ հետևելով «Մանչեսթեր Յունայթեդ»-ի բժիշկների խորհրդին:








































