Պենտագոնում հայտարարել են, որ ԱՄՆ զինված ուժերը հրթիռային հարված են հասցրել Եմենի 3 ռադիոտեղորոշիչ կայաններին, որոնք գտնվում են հութի ապստամբների վերահսկողության տակ։ Այս մասին փոխանցում է Reuters գործակալությունը։
Պենտագոնի ներկայացուցիչ Փիթեր Կուկի խոսքով՝ ինքնապաշտպանության նպատակով հասցված հարվածները ուղղված են եղել տարածաշրջանում նավիգացիայի ազատությանը, ինչպես նաև ամերիկյան ռազմածովային ուժերի նավերի պաշտպանությանը։
Գերատեսչությունում ընդգծել են, որ կշարունակեն արձագանքել ամերիկյան նավերին ու ծովային առևտրային փոխադրումներին ուղղված սպառնալիքներին։
Երեկ հաղորդվել էր, որ ամերիկյան ռազմանավը կրկին Եմենի ափերի մոտ ենթարկվել է հրթիռակոծման։
Կուկի խոսքով՝ հարվածները դարձել են պատասխան միջոցառում Կարմիր ծովում ամերիկյան «Մեյսոն» ականակիր նավի ուղղությամբ հութիների կողմից առնվազն 3 հրթիռի արձակման։
ԱՄՆ-ը Եմենի տարածքում անմիջական հարվածներ է հասցրել այդ երկրում զինված հակամարտության սկզբից ի վեր առաջին անգամ։
