Ռուսական RIA Novosti լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը Թուրքիայի նախագահ Ռեջեփ Էրդողանի հետ բանակցությունների արդյունքներով հայտարարել է, որ Ռուսաստանն ու Թուրքիան կողմ են Սիրիայում արյունահեղության շուտափույթ դադարեցմանը, և որ անհրաժեշտ է ապահովել քաղաքական կարգավորման հանդեպ մոտեցում։
Պուտինը հայտարարել է, որ ինքն ու Էրդողանը բավական մեծ ժամանակ են տրամադրել նաև տարածաշրջանի խնդիրների և առաջին հերթին Սիրիայում տիրող իրավիճակի քննարկմանը.
«Թե՛ Ռուսաստանը, թե՛ Թուրքիան հանդես են գալիս արյունահեղության շուտափույթ դադարեցման օգտին։ Մենք Ռուսաստանում կարծում ենք, որ անհրաժեշտ է հնարավորինս արագ անցում կատարել կարգավորման քաղաքական գործընթացին։
Կարծում ենք, որ բոլորը, ովքեր իսկապես ցանկանում են խաղաղություն, պետք է աջակցեն այդ առաջարկներին։ Ռուսաստանն ու Թուրքիան շարունակելու են համագործակցությունը Սիրիային հումանիտար օգնություն ցուցաբերելու համար։
Այդ համագործակցությունը իրականացվելու է մասնավորապես զինվորականների, հետախուզության, արտգործնախարարությունների կողմից։ Արդյունքում ընտրվելու է ռազմավարություն»։
