Սանան վերահսկող հութիները («Անսար Ալլահ» շիայական շարժման կողմնակիցներ) հերքել են իրենց մասնակցությունը Եմենի ափերի մոտ ամերիկյան ականակիր նավի հրթիռակոծմանը։ Այս մասին Reuters գործակալությանը, անանուն մնալու պայմանով, հայտնել է ապստամբների ներկայացուցիչներից մեկը։
«Հութիների շարժումը մերժում է հարձակումը որևէ նավի վրա Եմենի ջրային տարածքից դուրս»,- ասել է նա։
Ավելի վաղ ԱՄՆ ՊՆ պաշտոնական ներկայացուցիչ, ռազմածովային ուժերի կապիտան Ջեֆ Դևիսը հայտնել էր, որ ամերիկյան USS Mason ականակիրը ենթարկվել է հրթիռային հարձակման Եմենի ափերի մոտ՝ միջազգային ջրերում։
Դևիսը հստակեցրել էր, որ ականակիրը վնասվածքներ չի ստացել, անձնակազմի շարքում վիրավորներ չկան։ Զինվորականների կարծիքով՝ հրթիռներն արձակվել էին հութիների կողմից վերահսկվող տարածքից։
