«Բարսելոնա»-ի նախկին ավագ Կառլես Պույոլն աջակցության խոսքեր է հասցեագրել թիմի դարպասպահ Մարկ Անդրե Տեր Շտեգենին, ով սուր քննադատության է ենթարկվում Պրիմերայի 7-րդ տուրի «Սելտա»-ի դեմ խաղում թույլ տված սխալի համար:
«Տեր Շտեգենն աշխարհի լավագույն դարպասապահներից մեկն է: Նա հիանալի խաղ է ցուցադրում: Իհարկե, ցավալի է, երբ դարպասապահները սխալ են թույլ տալիս: Դա հանգեցնում է բաց թողնված գոլի:
Բայց պետք է շարունակել խաղալ նույն վստահությամբ: Տեր Շտեգենն ուժեղ կամք ունի և կկարողանա առանց խնդիրների հաղթահարել այս իրավիճակը»,- Marca-ն մեջբերում է Պույոլի խոսքերը:
