Այսօր ԱԺ ճեպազրույցների ժամանակ «Հայկական վերածնունդ» կուսակցության խմբակցության քարտուղար Մհեր Շահգելդյանից լրագրողները հետաքրքրվեցին՝ երբ Հայկական վերածնունդը Վանաձորում գնում էր ընտրությունների, տեղյա՞կ էր, որ իրենց ցուցակը գլխավորող Արկադի Փելեշյանը մականունավոր է, ում դեմ այժմ քրեական գործ է հարուցվել դաժան ծեծի գործով:
«Նախ և առաջ քրեական գործ՝ դաժան ծեծի ձևակերպով չկա, երկրորդ՝ մականունավոր չէ, ժողովրդական մարդ է ավելի շատ: Մարդիկ սիրում են Արկադի Փելեշյանին այն պարզ պատճառով, որ մշտապես կանգնել է ամենաաղքատ մարդկանց կողքին, օգնել է մանկապարտեզներին, ծերերին: Նա անձնավորություն է, որը մշտապես աջակություն է իրականացրել:
Անդրադառնալով դիտարկմանը, որ նա նաև մարդ է ծեծում, Շահգելդյանը նշեց. «Այն, ինչ ներկայացվում է մամուլում, պարզ դարձավ, որ բազմաթիվ երևույթներ չեն համապատասխանում իրականությանը… Բոլորս տեսել ենք վիդեոկադրերը, նա մոտենում է շենքին, իրեն ուղեկցում են ներս, էլ չենք տեսնում, թե սենյակում ինչ է եղել»,- պատասխանեց Շահգելդյանը:
Մանրամասները՝ տեսանյութում:
