Ուղևորների խմբին, որոնք Thomas Cook Airlines ավիաընկերության չվերթով Մեծ Բրիտանիայից թռչել են Թուրքիա, տեղ հասնելուն պես կալանավորել են: Նրանցից մեկին մեղադրել են այն բանում, որ թռիչքի ժամանակ նա իր հեռախոսով ռումբերի մասին երգ է միացրել, հայտնում է Daily Mail-ը:
Չորս երիտասարդներ, որոնցից 3-ը եղել են ուսանող, Մանչեսթրից թռչել են Թուրքիայի հարավարևմտյան Դալաման քաղաքը: Օդանավակայանում նրանց կալանավորել են լավ զինված ոստիկանները:
Thomas Cook Airlines-ի ներկայացուցիչը հայտարարել է, որ այդ տղամարդիկ ինքնաթիռում կարգը խախտել են: Բացի այդ՝ նրանցից մեկը երգ է միացրել, որում մի քանի անգամ կրկնվել է «ռումբ» բառը:
Ուղևորները ժխտել են մեղադրանքը: Նրանցից մեկը՝ ուսանող Նաբիլ Իկբալը հայտարարել է, որ դա կապված է միայն իրենց արտաքինի հետ. նրանք բոլորը եղել են թխամաշկ և մորուք են կրել: Պարզաբանումից հետո երիտասարդներին բաց են թողել:
