«Առաջին լրատվական»- ի զրուցակիցն է «Ժառանգություն» խմբակցության պատգամավոր Զարուհի Փոստանջյանը:
-Պաշտոնանկությունների հերթը հասավ մարզպետներին, արդեն հրաժարական է տվել Սյունիքի մարզպետ Սուրեն Խաչատրյանը: Ի՞նչ եք կարծում, դա պայմանավորված է նրա անձի շուրջ վերջին տարիներին ստեղծված համընդհանուր անվստահությամբ և հակակրանքով, թե՞ այնուամենայինիվ իշխանությունը իմիտացիոն քայլեր է անում և նախորդ անգամվա պես Սուրեն Խաչատրյանին կտեսնենք մեկ այլ պաշտոնում կամ նորից կվերանշանակվի:
– Չգիտեմ ինչպիսի պաշտոնում և ինչ կարգավիճակում մենք նրան կտեսնենք, դա այնքան էլ կարևոր չէ, կարևորն այն է, որ Սերժ Սարգսյանը, կարելի է ասել, մանրում է իր այն կարևոր սյուները, որոնք իր համար ապահովում էին ընտրակեղծարարությունը: Փաստորեն նա դիմում է այդպիսի քայլի:
-Դա չի՞ դժվարացնում հետագայում նույն իշխող Հանարապետականի համար հաղթանակը:
-Ես չգիտեմ իշխող Հանրապետականն ապագայում ինչպիսի ձևաչափով պետք է հանդես գա, այնուամենայնիվ, ակնհայտ է, որ այն կառավարությունը, որ այս պահին գործում է, այլևս միայն ՀՀԿ-ին չի ներկայացնում, որովհետև մենք տեսում ենք փոփոխություններ, նշանակումներ՝ ուղղակի Կրեմլից, հետևաբար հասկանում ենք, որ տեղի են ունենում այլ գործընթացներ: Այս գործընթացների տիրույթում մենք պետք է սա դիտարկենք: Սա ոչ թե Սերժ Սարգսյանի որոշումն է, այլ այն որոշումը, որ կայացվել է Կրեմլում: Եթե մնային նրա որոշմանը, ապա նա չէր գնա մանրելու իր համար կարևոր դերակատարներին: Երբ այս ձևաչափով են գործընթացները տեղի ունենում, մենք հասկանում ենք, որ արդեն մանրում են իրենց համար կարևոր նշանակության անձանց:
-Հնարավո՞ր է, որ այս գործընթացը շղթայական լինի և տարածվի նաև մյուս մարզպետների վրա, թե՞ ամենախոցելին Սուրեն Խաչատրյանն էր:
-Ամենախոցելին չէ, ըստ էության՝ ամենաճանաչվածն էր՝ վատ իմաստով:
Մանրամասները՝ տեսանյութում:
