Սիրիայի Հալեպ քաղաքում Թուրքիայի ռազմաօդային ուժերի ավիահարվածների հետևանքով զոհերի մասին հաղորդագրությունը չի համապատասխանում իրականությանը և հանդիսանում է սադրանք, ասված է Թուրքիայի զինված ուժերի Գլխավոր շտաբի հաղորդագրությունում:
Ավելի վաղ Սիրիայի ընդդիմադիր դեմոկրատական խորհրդի անդամ Ռիզան Հադուն հայտնել էր Sputnik գործակալությանը, որ թուրքական ավիացիայի ինքնաթիռը չորեքշաբթի հարվածներ է հասցրել Սիրիայի Հալեպ քաղաքից արևելք գտնվող Սուլսան գյուղին, որի հետևանքով զոհվել է 28 մարդ և տուժել ավելի քան 100 մարդ: Հադուի խոսքերով` այդ գյուղը գտնվում է ԴԱԻՇ ահաբեկչական խմբավորման վերահսկողության ներքո:
«Որոշ ԶԼՄ-ներ տեղեկություն է հասել այն մասին, որ Թուրքիայի ռազմաօդային ուժերի այսօրվա օդային հարվածների արդյունքում զոհվել են խաղաղ բնակիչներ: Դա բացարձակ սադրանք է: Գործողությունը տարածաշրջանում անցկացվում է շատ ուշադիր և հարվածներ հասցվում են միայն թիրախներին` բազմաթիվ անգամ հաստատվելուց հետո: Նաև ոմանք հաստատում են, որ մենք Հալեպում գործողություններ ենք իրականացնում: Դա ճիշտ չէ, մենք Հալեպի հետ ոչ մի կապ չունենք»,- ասված է Թուրքիայի պաշտապանության նախարարության հաղորդագրությունում:
