Մայիսի 20-ին վերսկսվեց «Ժամանակ» օրաթերթ-Սեդրակ և Բելլա Քոչարյաններ դատական վեճը:
Հայցվոր կողմը` Քոչարյանների ներկայացուցիչը դատարանին ներկայացրեց տեխնիկական առաջադրանքը, որն իբր չէին ներկայացրել: Մինչդեռ պատասխանող կողմի ներկայացուցիչ, փաստաբան Նիկոլայ Բաղդասարյանը նկատեց, որ այդ տեխնիկական առաջադրանքը դատաքննության ժամանակ հայցվորներն արդեն ներկայացրած են եղել դատարան և ըստ էության չկար չհետազոտված ապացույց:
Հիշեցնենք, որ դա այն փաստաթուղթն էր, որտեղ նշված էր, թե Քոչարյանների գործընկեր-կառավարիչ իրավաբանները վերջիններիս շահերը պաշտպանելու համար ինչ քայլերի են դիմել և այդ քայլերը կատարելու համար ինչ ծախսեր են կատարել: Օրինակ, Քոչարյանների մասին հրապարակումներից հետո, նրանք, ըստ փաստաթղթի, բանակցություններ են վարել Արման Բաբաջանյանի հետ: Այսինքն, դրա տակ հասկացել են հեռախոսային մեկ անգամվա շատ կարճ խոսակցությունը` «հերքումը ստացել ե՞ք»: «Այո»` եղել է պատասխանը: Սա տեխնիկական առաջադրանքի մեջ արտացոլվել է որպես մի քանի տասնյակ հազար դրամի կատարված աշխատանք…«ու տենց»:
Փաստորեն, ճիշտ էինք, երբ ասում էինք, որ դատաքննության վերսկսումը զուտ ժամանակ շահելու համար էր…
Դատական նիստը հետաձգվեց մինչև մայիսի 23-ը:
