Պոդոլսկի մոտ տեղի ունեցած վթարի մեջ մեղադրվող Հրաչյա Հարությունյանը որոշել է հրաժարվել իր փաստաբաններ Ալեքսանդր Մելցևից, Էրիկա Չաբանովայից և Վլադիմիր Սվիրիդովից։
Ինչպես հայտնի է դարձել МК-ին, Հարությունյանը հինգշաբթի քննիչներին պաշտոնական նամակ է գրել, որով խնդրել է, որ իր շահերը ներկայացնեն այլ դատապաշտպաններ, այդ թվում՝ Ռուբեն Մարգարյանն ու Վլադիմիր Անիսկինը:
Ինչպես պարզաբանել է փաստաբան Ալեքսանդր Մելցևը, այդ որոշումն ընդունվել է Հայաստանի օմբուդսմեն Կարեն Անդրեասյանի հետ Հարությունյանի հանդիպումից հետո:
«Ինչ կարող էի, ես արել եմ: Մենք շրջեցինք հասարակական կարծիքը՝ ցույց տալով, որ սա ոչ թե սպանություն էր, այլ անզգուշության հետևանքով տեղի ունեցած հանցագործություն: Նոր փաստաբաններին հաջողություններ եմ մաղթում, իսկ Հրաչյային հանգստություն և համբերություն, որովհետև այս ամենը միայն սկիզբն է»,- նշել է Մելցևը: