Դրեզդենում Գերմանիայի միասնության տոնի առիթով անցկացված միջոցառման ժամանակ Pegida հակաիսլամական շարժման հարյուրավոր ակտիվիստներ Գերմանիայի կանցլեր Անգելա Մերկելին և նախագահ Յոախիմ Գաուկին դիմավորել են հակակառավարական կարգախոսներով։ Այս մասին հայտնում է Bild պարբերականը։
Ցուցարարները քաղաքական գործիչների հասցեին բացականչել են դավաճանության մեղադրանքներ և Մերկելից պահանջել լքել կանցլերի պաշտոնը։
Ցուցարարները հարձակման են ենթարկել նաև քաղաքապետ Դիրկ Հիլբերտին։ Նրան նույնպես դավաճան են անվանել։ Ցուցարարների դժգոհությունն է առաջացրել մուսուլմանների ընդունելությունը, որը կազմակերպել էր Հիլբերտը քաղաքապետարանում՝ իսլամական Նոր տարվա առիթով։
