Հալեպի արևելյան մասի բնակիչները, գտնվելով Սիրիայի ապստամբների վերահսկողության տակ, ապրում են «իրական դժոխքում», հայտնել է ՄԱԿ-ի բարձրաստիճան ներկայացուցիչ Սթիվեն Օ’Բրայենը և հակամարտող կողմերին կոչ է արել հնարավորություն տալ տարհանելու հարյուրավոր մարդկանց, որոնք կարիք ունեն հրատապ բժշկական օգնության: Այդ մասին հայտնում է BBC-ն:
Ինչպես հայտնում են Մարդու իրավունքների պաշտպանության մոնիտորինգի սիրիական կենտրոնում, Սիրիայի կառավարական զորքերը ռուսական ավիացիայի աջակցությամբ շարունակում են հարձակումը քաղաքի շրջանների վրա, որոնք գտնվում են ապստամբների վերահսկողության տակ:
Գիշերը ապստամբների դիրքերի վրա կատարվել է զանգվածային ռմբակոծություն:
Ավելի ուշ Սիրիայի զինվորականները ապստամբներին առաջարկել են անվտանգության երաշխիքով դուրս գալ Հալեպի արևելյան հատվածից:
«Սիրիայի բանակի հրամանտարությունը դիմել է բոլոր զինված խմբավորումներին, որոնք գտնվել են Հալեպի արևելյան ծայրամասերում, կոչ անելով հեռանալ այդ տարածքներից և թույլ տալ խաղաղ բնակիչներին շարունակել ապրել իրենց նորմալ կյանքով»,- ասված է հրամանատարության հայտարարությունում:
Նման կոչով զինվորականները դիմել էին դեռևս հուլիսին, սակայն այդ ժամանակ ապստամբները ոչ մի ձևով չէին պատասխանել:
