Երևանի Կենտրոն և Նորք Մարաշ վարչական շրջանների ընդհանուր իրավասության դատարանն այսօր՝ սեպտեմբերի 27-ին, մերժեց «Հիմնադիր խորհրդարանի» անդամ Կարո Եղնուկյանի փաստաբան Տիգրան Հայրապետյանի բողոքն՝ ընդդեմ գլխավոր դատախազի անգործության:
«Կարո Եղնուկյանի և նրա փաստաբանի բազմաթիվ դիմումներին մերժողական պատասխաներ էին գալիս. նրանք հիմնավորում էին, որ դիմումները նույնաբովանդակ են, այնինչ դիմումները նույնաբովանդակ չէին, այլ նույնանպատակ էին: Կարո Եղնուկյանին անազատության մեջ են պահում միայն ազատ խոսքի համար. իշխանությունները բռնություն են կիառում ազատ խոսքի նկատմամբ: Սա միանշանակ քաղաքական որոշում է, իրավաբանական որևէ տրամաբանության չկա Կարո Եղնուկյանի ձերբակալության մեջ»: Այս մասին «Առաջին լրատվական»- ի հետ զրույցում ասաց ԱԻՄ ներկայացուցչական խորհրդի անդամ Գագիկ Սարուխանյանը:
«Մենք իրականում ապրում ենք շատ վատ ժամանակներում. կոռումպացված դատարաններն արդեն անցյալում են, արդեն կոնկրետ իրավական տեռորի մթնոլորտում ենք ապրում, մեր երկրում այդ տեռորն ուղղակի մոլեգնում է, – ընդգծեց Գ. Սարուխանյանը:
Մանրամասները՝ տեսանյութում: