ՄԱԿ-ի գլխավոր քարտուղար Պան Գի Մունը քաղաքական գործիչներին ամբողջ աշխարհում կոչ է արել հրաժարվել միգրանտներին և մահմեդականներին հետապնդելուց: Այդ մասին հայտնում է RIA Novosti-ն:
«Գնալով ավելի հաճախ են փախստականներն ու միգրանտները բախվում բռնության: Մուսուլմանները հատկապես դառնում են կարծրատիպերի և կասկածների թիրախ, որոնք հիշեցնում են մութ անցյալը: Ասում եմ քաղաքական ղեկավարներին և թեկնածուներին՝ մի զբաղվեք ցինիկ և վտանգավոր քաղաքական հաշվարկներով, որոնք ասում են, որ դուք ձեզ համար ձայներ կավելացնեք՝ մարդկանց բաժանելով ու բազմապատկելով վախը»,- ասել է նա ՄԱԿ ԳԱ-ում ելույթի ժամանակ:
«Աշխարհը պետք է պայքարի ստի և ճշմարտության խեղաթյուրման դեմ, մերժի խտրականության բոլոր ձևերը»,- հավելել է նա:
