Ներգաղթյալների և փախստականների ժամանակավոր տեղակայման կենտրոնի հրկիզման մեջ կասկածվում է 18 մարդ, ովքեր ծագումով Աֆղանստանից են, Կամերունից, Սենեգալից և Սիրիայից, նրանցից 9-ը ձերբակալվել են, 9-ը՝ կալանավորվել։ Այս մասին հայտնում է «Վիմա» թերթը։
Խոշոր հրդեհը բռնկվել էր երեկ երեկոյան Լեսբոս կղզուՄորիա ճամբարի միանգամից մի քանի կետում։ Վառվել են վրաններ, տնակներ, աղբ։
Մինչ այդ տեղի էին ունեցել զանգվածային ընդհարումներ տարբեր ազգությունների ներգաղթյալների խմբերի միջև։ Իրավիճակը ճամբարում վաղուց անվերահսկելի է, մարդիկ մի քանի ամիս գտնվում են անորոշության վիճակում։ Երկուշաբթի ներգաղթյալների շրջանում շշուկներ էին տարածվել, որ շուտով իրենց կարտաքսեն Թուրքիա. դա դարձել է բախումների պատճառներից մեկը։
Ճամբարի 60 տոկոսն այրվել է։ Հրդեհի հետևանքով ճամբարը լքել է մոտ 5000 մարդ, առավոտյան այնտեղ է վերադարձել միայն 500-ը։
