Նյու Յորքի ոստիկանությունը Հետաքննությունների դաշնային բյուրոյի հետ ձերբակալել է 5 մարդու՝ կապված շաբաթ օրը Նյու Յորքում որոտացած պայթյունի հետ։ Այս մասին հայտնում է ABC հեռուստաալիքը։
Հաղորդվում է, որ ձերբակալման գործողությունը կատարվել է Բրուկլին ու Ստատեն-Այլենդ շրջաններն իրար միացնող Վերացանո ավտոմոբիլային կամրջի վրա։ Այնտեղ նրանց մեքենան կանգնեցվել է։ Ներսում գտնվողներին ձերբակալել են և այժմ հարցաքննում են։
Պայթյունի հետևանքով տուժել էր 29 մարդ։ Նրանք բոլորը դուրս են գրվել հիվանդանոցից։
Նյու Յորքի ոստիկանության կոմիսար Ջեյմս Օ՝Նիլի խոսքով՝ Նյու Յորքի և Նյու Ջերսիի պայթյունները կապված են եղել իրեր հետ։
Իրավապահ մարմիների աղբյուրները հայտնում են, որ ռումբերը պատրաստված են եղել միևնույն մարդու կողմից։ Այլ մանրամասներ չեն հաղորդվում։
