Մեր մշակույթը հետընթաց է ապրել, և միջավայրն այնպիսին է դարձել, որ երբեմն ոչ արվեստի գործը կամ գործիչը մեծարվում, ուշադրության են արժանանում, իսկ իսկական արվեստը մնում է ստվերում: Այս մասին «Առաջին լրատվական»- ի հետ զրույցում ասաց գեղանկարիչ Հաղթանակ Շահումյանը:
Գեղանկարիչը մտահոգություն հատնեց՝ նշելով, որ կերպարվեստի նկատմամբ մեր երկրում ուշադրություն գրեթե չկա, եթե կինոն, թատրոնը, համերգները գոնե աղքատիկ ֆինանսավրում ունեն, նկարիչները դա էլ չունեն. «Պատվիրված ցուցահանդեսներ չեն լինում, լավ կլիներ, որ նպատակային ցուցահանդեսներ, մրցանակներ, գնումներ լինեին»:
Հարցին՝ նոր վարչապետից ակնկալիքներ կա՞ն, գեղանկարիչը պատասխանեց. «Ցավալիորեն մենք միշտ հույսներս դնում ենք անհատների վրա. կլինեն լավ անհատներ, վատ անհատներ, կարող ուժեր, անկարող ուժեր, բայց համակարգը պետք է փոխվի, համակարգը պետք է գործի: Աստված տա, որ առաջընթաց լինի, ամեն անգամ վարչապետի փոխվելուց միշտ սպասելիքներ են լինում»:
Անկախության տոնին ընդառաջ արվեստագետը մտահոգված է. «Դարեր շարունակ երազել ենք անկախության մասին, բայց չենք մարսել անկախությունը: Մենք բարոյական անկում ունենք, դարձել ենք անձի մասին մտածողներ: Ամենամեծ արժեքը մարդկային արժեքներն են, որոնց հետ մենք հիմա շատ անփույթ ենք վարվում: Պետք է հասկանանք, որ այս երկիրը բոլորինս է: Հայ չի մնա աշխարհում, եթե մեր երկիրն արժանապատիվ երկիր չմնա, բոլորս պետք է մեջք մեջքի տանք, իրարից չպետք է նեղանանք: Պիտի փորձենք վերափոխվել՝ սկսած առաջին իշախանավորներից մինչև վերջին գյուղացին»:
Մանրամասները՝ տեսանյութում:
