Եվրամիության երկրների արտգործնախարարները երկուշաբի օրը Բրյուսելում կայանալիք հանդիպման ժամանակ, ինչպես սպասվում է, կքննարկեն նաև լիբանանյան «Հըզբոլլահ» խմբավորման ռազմական թևը ահաբեկչական կազմակերպությունների ցուցակում ներառելու հարցը: Այս մասին Ria Novosti-ին հայտնել է ԵՄ խորհրդի աղբյուրը:
Նրա խոսքերով՝ նման որոշմանը, ինչպես նախկինում, դեմ են Իռլանդիան և Մալթան: «Հըզբոլլահ»-ը ահաբեկչական կազմակերպություններում ներառելու նախաձեռնությամբ հանդես է եկել Մեծ Բրիտանիան: Սակայն համապատասխան որոշման ընդունումը նախկինում արդեն 2 անգամ արգելափակվել է՝ ԵՄ պետությունների դեսպանների մակարդակով նիստերի ժամանակ: «Սկեպտիկ» պետությունները կարծում են, որ «Հըզբոլլահի»-ի ռազմական թևը ահաբեկչական կազմակերպությունների շարքում ներառելը կարող է «ապակայունացնել Լիբանանը, որտեղ «Հըզբոլլահ»-ը խորհրդարանի խոշոր կուսակցություններից է»:
ԵՄ-ում նման արմատական քայլին, բացի Լոնդոնից, աջակցում են նաև Ֆրանսիան, Գերմանիան և Նիդերլանդները: