Գերմանիայում հատուկ ծառայությունների ղեկավարները հաստատել են, որ ապահովված են ԱՄՆ Ազգային անվտանգության գործակալության (NSA) կողմից տրամադրված լրտեսման ծրագրով: Այս մասին հաղորդում է Deutsche Welle-ը:
ԳԴՀ Սահմանադրության պաշտպանության դաշնային գերատեսչության ղեկավար Հանս-Գեորգ Մասենը խոստովանել է, որ իր գերատեսչությունը թեստավորել է ամերիկյան ծրագիրը, սակայն դեռևս չի կիրառել: Նրա խոսքերով՝ Գերմանիայում համացանցային տվյալներ հավաքելու ու դրանք NSA-ին փոխանցելու մասին տեղեկությունները չեն համապատասխանում իրականությանը:
Գերմանիայի դաշնային հետախուզական ծառայության (BND) ղեկավար Գերհարդ Շինդլերը ընդհակառակը՝ հայտարարել է, որ տեղի են ունեցել տեղեկատվություն փոխանցելու առանձին դեպքեր, որոնք ստացվել են համացանցային լրտեսման միջոցով: Մասնավորապես, 2012թ.-ին գերմանական հետախուզությունը NSA-ին է ուղարկել Գերմանիայի 2 քաղաքացիների տվյալներ, որոնցով հետաքրքրվում էր ամերիկյան կողմը:
Սակայն Շինդլերը հերքել է մեղադրանքները, թե յուրաքանչյուր ամիս երկրի միլիոնավոր բնակիչների տվյալներ ուղարկվել են իրենց ամերիկացի գործընկերներին:
